Þú getur dottið í lukkupottinn og fengið 2 miða á besta stað á annars uppselda tónleika í Eldborg og fengið Freddie Mercury tónleikana beint í æð. Tónleikarnir verða haldnir miðvikudagskvöldið 18. apríl kl.19:30 en fram koma Friðrik Ómar, Magni, Eiríkur Hauksson, Matti Matt, Eyþór Ingi og Hulda Björk Garðarsdóttir ásamt 12 manna rokk-og raddsveit. Öll bestu lög Freddie Mercury í frábærum búningi og stemningin er ótrúleg. Það eina sem þú þarf að gera er að senda póst á tónleikahaldarann rigg@rigg.is og gefa okkur góða ástæðu til að við færum þér tvo miða að verðmæti 15.800.-. Miðarnir verða síðan skráðir á nafn þess sem dettur í lukkupottinn og sá hinn sami getur nálgast þá í miðasölu Hörpu. Enn eru nokkrir miðar eftir á tónleikana kl. 22:00 en miðasala er í fullum gangi á www.midi.is og í síma 528-5000. Góða skemmtun.

Í nóvember á síðasta ári fylltist Silfurberg í hörpu fjórum sinnum á Heiðurstónleikum Freddie Mercury en 20 ár voru liðin frá því hann lést. Flutt voru öll þekktustu lög Mercury bæði frá sólóferli hans og með hljómsveitinni Queen. Gestir risu ítrekað úr sætum og fögnuðu ákaft eftir frábæran og kraftmiklann fluttning. Eftir tónleikana höfðu margir það á orði að þeir hefðu aldrei séð jafn góða og metnaðarfulla tónleika á Íslandi. Vegna mikillar eftirspurnar var ákveðið að færa tónleikana í stóra sal Hörpu, Eldborg og verða  þeir haldnir síðasta vetrardag miðvikudagskvöldið 18. apríl 2012 kl. 19:30 og 22:00. Þar stíga á stokk sem fyrr Eiríkur Hauksson, Magni, Friðrik Ómar, Eyþór Ingi, Matthías Matthíasson og Hulda Björk Garðarsdóttir óperusöngkona.Ásamt þessum föngulega hópi söngvara stjórnar Þórir Úlfarsson 12 manna hljóm-og raddsveit.

Miðasala er á www.midi.is, www.harpa.is og í síma 528-5000.
Miðaverð er 7900/6400/4900

Þann 11. desember 2011 setti Friðrik Ómar upp tónleika í tónlistarhúsinu Hörpu í Reykjavík til styrktar Björgunarsveitinni í Færeyjum. Jógvan Hansen söng ásamt Friðriki Íslensk og Færeysk dægurlög ásamt hljómsveit og Stúlknakór Reykjavíkur. Einni fengu þeir til sín gestasöngvara en þeir voru Helgi Björnsson, Ragnheiður Gröndal, KK og Ellen Kristjánsdóttir. Forseti Íslands, Hr. Ólafur Ragnar Grímsson var verndari söfnunarinnar sem stóð yfir í viku eftir tónleikana. Elísabet Sveinsdóttir markaðsstjóri Skýrr aðstoðaði við að koma söfnuninni á laggirnar. Íslendingar tóku vel í framtakið en alls söfnuðust um 17.000.000.- Föstudaginn 6. janúar 2012 var síðan upphæðin afhent formanni Björgunarsveitar Færeyja við hátíðlega athöfn á Bessastöðum. Þar tóku Friðrik Ómar og Jógvan lagið og forsetinn bauð upp á kaffi, kleinur, pönnukökur og fl.

</p>

www.fridrikomar.com var í dag tilnefnd af Samtökum vefiðnaðarins til Íslensku vefverðlaunanna 2011 í flokknum”Bestablogg/efnistök/myndefni” Er þetta í fyrsta skipti sem vefurinn hlýtur slíka viðurkenningu. Dómnefnd skipuð fagfólki kynnti úrslitin í dag og munu verðlaunin verða afhent í Tjarnarbíói af borgarstjóra Reykjavíkur, Jóni Gnarr, 3. febrúar nk við hátíðlega athöfn.

Í sumar fór allur minn tími í tónleikaferð okkar Jógvans en við ferðuðumst mikiðum landið í sumar. Við héldum alls 26 tónleika á 24 stöðum út um allt land. Ferðalagið var mikið en rosalegaskemmtilegt. Alls staðar var tekið vel á móti okkur og við bættum á okkur nokkrum kílóum í leiðinni:) Fólk bauð okkur heim í kaffi og með því, hvert sem við komum. Nýbakað og ljúffengt beið okkar í næsta þorpi! Á miðju ferðalaginu ákváðum við að gera Barnaplötu fyrir jólin sem bar heitið “Íslensk og Færeysk Barnalög”

Með fram túrnum hellti ég mér í að setja saman tónleika í tilefni þrítugs afmælis míns sem var framundan í október. Ég ákvað að halda þá á heimaslóðum og varð hof á Akureyri fyrir valinu. Tónleikarnir gengu mjög vel og ekki hægt að vera annað en kátur með frábæran dag með öllu þessu flotta fólki. Svo ég tali nú ekki um gestina sem sendu okkur æðislega strauma upp á svið.

Strax í vikunni eftir tónleikana mína í Hofi fór ég á fullt að undirbúa Freddie Mercury tónleika sem ég setti upp í Silfurbergi í Hörpu og Hofi. Tónleikarnir voru stórir í sniðum og margir sem komu þar að. Bandið, tæknimenn og söngvarar voru til fyrirmyndar og gestir almennt á því að þetta hafi verið hin besta skemmtan. (Tónleikarnir verða endurteknir í Eldborg, Hörpu í apríl 2012 fyrir áhugasama) Síðustu Freddie Mercury tónleikarnir fóru fram 24. nóvember.

Daginn eftir hófst ferðalag mitt með Frostrósum en fyrstu tónleikarnir voru haldnir í Færeyjum. Það var tvísýnt að við kæmumst alla leið vegna þess að ofsaveður gekk yfir eyjarnar nóttina áður. Við komumst þó alla leið og þar með hófst 28 tónleika törn Frostrósa sem lauk 20. desember sl.

Á milli Frostrósartónleika setti ég saman tónleika í Hörpu til styrktar Björgunarsveitinni í Færeyjum í kjölfar óveðursins sem gekk þar yfir stuttu áður . Tónleikarnir voru sýndir í beinni á Rúv og útvarpað á rás 2.Einnig var þeim sjónvarpað í Færeyjum.Við Jógvan fengum til okkar góða gesti og fluttum íslensk og færeysk lög af plötunum okkar á meðan að þjóðin safnaði saman pening. Ég vil þakka sérstaklega Elísabetu Sveinsdóttur sem var mér innan handar við uppsetningu tónleikanna. Miklir peningar söfnuðust en þeir verða afhentir björgunarsveitinni í Færeyjum á nýju ári við hátíðlega athöfn.

Ég vil þakka sérstaklega öllum þeim sem kíktu á tónleikana mína á árinu með von um að ég sjái framan í ykkur aftur sem allra fyrst.
Ég óska þér og fjölskyldu þinni velfarnaðar á nýju ári.
Kær kveðja,
Friðrik Ómar

Af álfum – Frostrósir 10 ára from Frostrósir Frostroses on Vimeo.

Jógvan, Ragnheiður Gröndal, Friðrik Ómar og hljómsveit ásamt Stúlknakór Reykjavíkur.

Þeir félagar Friðrik og Jógvan stóðu fyrir söfnunar og samstöðutónleikum í Hörpu sl. sunnudag þar sem Björgunarsveitin í Færeyjum var styrkt. Tónleikarnir tókust meðafbrigðum vel og var þeim sjónvarpað í beinni á Rúv og útvarpað á Rás 2. Einnig var þeim sjónvarpað í Færeyjum. Ásamt Friðriki og Jógvan komu fram þau Ragnheiður Gröndal, Helgi Björnsson, KK,  Ellen Kristjánsdóttir og Stúlknakór Reykjavíkur. Af þessu tilefni var opnuð netsíðan www.vinalog.is þar sem allar upplýsingar um söfnunina er að finna. Verndari söfnunarinnar er forseti Íslands Hr. Ólafur Ragnar Grímsson.  Tónleikarnir verða endursýndir í sjónvarpinu nk. miðvikudag kl. 23:20.